الفنان عبد المنعم رياض “تجربة متحف الدحيح مع أحمد الغندور العمل الأقرب إلى قلبي وأتمنى العمل مع النجم الكبير عادل إمام”.
الفنان عبد المنعم رياض في ضيافة القائد نيوز
الفنان الكبير عبد المنعم رياض فنان مصري قدم عدد من الأعمال الفنية المتنوعة في الدراما التليفزيونية والسينما وأيضا على خشبة المسرح، فمن الأعمال التلفزيونية مسلسل كلمة حق، المنتقم، قصر النيل، ومن الأعمال المسرحية مسرحية أفراح القبة وخطة كيوبيد والتي حصل من خلالها أفضل ممثل لعام [2020].
وجاء نص الحوار كالتالي:
–حضرتك بتقدم دلوقتي مسرحية خطة كيوبيد ماذا تعني كلمة ومصطلح كيوبيد؟
كيوبيد معناه عندنا في الأسطورة يرمز للحب وهو رمز إغريقي يوناني قديم وهو طفل صغير إله الحب له جناحان وعنده قوس وسهم يعمل على نشر الحب وتقريب الأحبة من بعض من هنا بدأنا نفكر في فكرة جديدة ومختلفة لطرح موضوع الحب بشكل مختلف لأن الحب البداية ثم تأتي بعد ذلك تحمل مسئولية.
لأن عندنا نسب الطلاق بتزيد كل يوم ناس بتحب بعض بعد ذلك يحصل أنفصال بداعي إن مفيش نصيب لكن لو وجد الحب بشكل حقيقي وفي تفاهم بين الشخصين الحب هيزيد ويكبر ومفيش طلاق بعد كده وده هدف المسرحية أو العمل.
–كيف تم ترشيح حضرتك للدور ؟
تم ترشيحي من قبل المخرج أحمد فؤاد مخرج عنده مدرسة خاصة به في الشغل شخص هادئ في عمله بيتناول الأفكار بشكل لايت كوميدي خفيف وفلسفة خفيفة في بتظهر بشكل خفيف على المتفرج.
–ماهي استعدادات حضرتك لتقمص الشخصية والدور في أي عمل فني؟
إستعداداتِ لتقمص الشخصية بشكل كويس في العمل المسرحي بياخد وقت لأن العمل هنا مركب بنعمل أكتر من شخصية فكلنا محتاجين وقت كبير عشان نفهم الأبعاد اللي حابب المخرج يوصلها ونحضر لكل شخصية وكأنها منفصلة لوحدها فخدنا وقت كويس شهرين ونص أو ثلاث شهور.
–إيه رأي حضرتك في كواليس العمل المسرحي مع الزملاء الآخرين؟
كواليس العمل المسرحي ممتعة جداً خاصة أن معانا مخرج هادئ الطباع ومنظم فاهم عايز إيه، والمجموعة فيها ناس تعرف بعض وناس لأ أنا وكريم الحسيني نعرف بعض من حوالي 17 سنة لكن نوال سمير وأمنية حسن بنسبالي جداد عليا ولكن توليفة المخرج أحمد فؤاد كويسة جدا وبيعرف يختار الفنانين الشطار عشان يبقى في حالة من الحب بين الفريق وينعكس بالضرورة على الشغل فيظهر للناس مدى الحب بين الفريق بشكل عام.
–الفرق بين المسرح والدراما التلفزيونية والسينما؟
تمثيل المسرح بيبقى في تأكيد على التمثيل والشخصية المقدمة في الدور، والمسرح هو الشغل الأمتع للفنان وللجمهور لأن الجمهور بيحب يشوف العمل المقدم له في الحال في عنده حالة من الحب أنه يشوف الممثل بهزاره بضحكه على خشبة المسرح رد الفعل بيكون سريع وفي الحال سواء كان كويس أو لا، والسينما والدراما التكنيك جميل ومش سهل لكن ممكن نعيد المشهد ممكن نعمل توقف بعض الوقت ورد الفعل الجمهور بيكون بعد عرض العمل وليس في أثناء العرض زي المسرح.
–شعور حضرتك بعد حصولك على جائزة أفضل ممثل مسرحي في مهرجان مسرح القومي 2020؟
جائزة مهمة وهي منحة من عند ربنا بعد تعب وجهد يقدمه الفنان للجمهور ودي بتبقي رسالة بأنك على الطريق السليم ونركز في اللي جاي عشان تبقى أفضل فكنت فرحان بالجائزة جداً.
–أعمال فنية كانت ناقلة في حياتك الفنية بشكل كبير وكانت محطات فنية مهمة؟
لو قولت إن في عمل فني كان مهم عن عمل فني آخر كده ابقي بظلم العمل التاني لأن كل المحطات الفنية اللي قدمتها مهمة.
–أدوار فنية قدمتها علمت مع الجمهور؟
فيه الحمد لله أدوار فنية معلمة مع الناس سواء أدوار فنية في الدراما التليفزيونية التراجيديا أو أدوار الشر زي مسلسل كلمة حق إخراج الراحل العظيم الأستاذ سامي محمد علي، بطولة ميرفت أمين حسن حسني وأحمد السعدني مع حفظ الألقاب لهؤلاء النجوم كنت بعمل دور شاب عنده نظرية تشاؤمية في الحياة شال قضية مكان شخص تاني بسبب الفلوس كان اسم سبعاوي والدور كان معلم مع الناس شوية.
بعدها عملت شخصية في عمل اسمه المنتقم الطباخ الألدخ وكان لايت كوميدي وراجل وست ست الظابط اللي بيظهر في العمل ديما وأيضا الظابط اللي ف مسلسل أبو العروسة الضيف الذي لا يتعدى مشاهده عشر مشاهد في كل جزء وشخصية فطين في مسلسل قصر النيل للمخرج خالد مرعي بطولة دينا الشربيني فطين كان عامل دور أو شخصية فلاح فيومي جميل جدا وكان معلم مع الناس.
–هل في أعمال فنية قادمة لحضرتك ؟
في إن شاء الله أعمال فنية قادمة هو عمل كبير وضخم لكن لا نستطيع ذكر أي معلومة خاصة بالعمل في الوقت الحالي.
–هل في نجم في الوقت الحالي تتمنى تشتغل معه أو يجمع حضرتك بعمل معه؟
في نجوم كتير جدا منهم الفنان الكبير كريم عبد العزيز وأحمد عز والفنان الكبير طبعا عادل إمام.
Visits: 44
مساحة إعلانية
مساحة إعلانية