بقدم أكتر من نوع في الشخصية، وبحب المسرح بشكل خاص، وأمنية حياتي اشتغل مع الفنان الكبير الزعيم عادل إمام..
الفنان حسان العربي في ضيافة القائد نيوز
حسان العربي فنان مصري شارك في عدة أعمال فنية متعددة متنوعة لكنها ذو طبع خاص بصفتها صغيرة الدور في العمل لكنها تركت بصمة لدى الجماهير، ومن أعماله طباخ الريس، ست كوم، راجل وست ستات، وعلى جنب ياسطى.
وجاء نص الحوار كالتالي:
-حضرتك بتقدم دور في مسرحية زقاق المدق على مسرح البالون إزاي تم اختيارك للدور؟
قدمت قبل كده أعمال فنية مسرحية فالمسرح كشغل مش غريب عليا، ولما دكتور عادل عبده كلمني وقاللي الدور وتفاصيله فعجبني ووافقت.
-بتستعد للشخصية على طريقتك إزاي؟
بعيش الشخصية وكأنها حقيقية على أرض الواقع بدرس أبعادها بعيشها بشوفها في أرض الواقع بتخليها من كل النواحي عشان تطلع في العمل بشكل كويس.
–رأيك في كواليس العمل المسرحي في زقاق المدق؟
من أفضل الكواليس كلنا أخوات وفريق واحد والحب للفريق سبب من أسباب نجاح العمل.
–عمل فني مبسوط إنك قدمته؟
قدمت حاجات كتيرة يعتز بيها، بس بالنسبة للمسرح الجوز واللوز أما السينما على جنب ياسطى، وطباخ الريس، وريا وسكينة.
–هل في شخصية فنية قدمتها وكانت قريبة منك على أرض الواقع؟
بصراحة لغاية دلوقتي مفيش شخصية فنية قدمتها قريبة مني.
–ممثل مصري حضرتك تتمنى تتعاون معه في عمل ؟
أتمنى أشتغل طبعا مع الزعيم عادل إمام.
إقرأ أيضا: المتهمة.. الفنانة درة وحلقة جديدة اليوم
–عمل فني قديم قولت أتمنى أشارك فيه وأقدم دور هذا الممثل؟
بحب جداً فيلم السفيرة عزيزة بطولة الفنانة الراحلة سعاد حسني وكنت حابب دور الفنان عبد المنعم إبراهيم جدا لانه قدم شخصية تميل للاتزان.
Visits: 0
مساحة إعلانية
مساحة إعلانية