نشأت الديهي: عندنا أخلاق ووعي ولازم نستمر عليه

نشأت الديهي : بقول لزمايلي في برنامج البريمو إحنا عندنا أخلاق ووعي ولازم نستمر عليه أي حد هيخرج عن النص ملوش مكان بينا حتى لو أغلقنا البرنامج، لكن مش هي دي القصة لأن الإعلام سهل جدا انضباطه، أنا بخاطب وزير الشباب والرياضه أشرف صبحي، مفروض يبقى في تحرك قوي منك وسياسي وأقعد مع رؤوساء الأندية وقولهم بشكل واضح دي دولة مش عزبه، مش كل رئيس نادي فاكر عنده عزبه بيتحكم فيها في الجمهور مهما هو مين، لا الجمهور خط أحمر أن حد يلعب بيه ويسخنهم، مفروض أشرف صبحي يقعد معاهم ويفهمهم حتى لو وصلت أنه يجمد النشاط أو يلغي كرة القدم، أو يلغي الدوري في سبيل الأمن والسلم المجتمعي، بقول ثاني لازم يبقى في تحرك مع رؤوساء الأندية المشكلة مش الإعلام أبدا، كفايه بلوة وفضايح الأولمبياد، إحنا بنتكلم علشان مصر، لان واضح إن في ناس أصحاب فتن وصناع فتن ومرتزقه بيعلقوا شماعتهم على الإعلام والبرامج الرياضية، لا تغور البرامج والرياضه لو هتصنع فتن بين الجماهير، والدولة المصرية قادرة على ضبظ إيقاع كل العمل الرياضي

Visits: 0